Bələdçilər üçün ivrit dili kursu

Ölkəmizdə keçirilən I Avropa Oyunları, Formula 1, İslam Həmrəyliyi oyunları və digər bu kimi beynəlxalq tədbirlər Azərbaycanımızın hər yerdə tanınmasına və bunun nəticəsində vətənimizə turist axınına səbəb olur. Dünyanın hər yerindən Azərbaycana gələn turistlər burada olduqları müddətdə tariximiz, mədəniyyətimiz, mətbəximiz haqqında ətraflı məlumat əldə etmək, Azərbaycanda keçirdikləri istirahətlərini unudulmaz etmək istəyirlər.

Bunun üçün onlarla danışa bilən bələdçilərə ehtiyac var. Turistlərin sayı artdıqca bələdçilərin də sayının artması vacibdir. Azərbaycana gələn qonağın dilində gözəl danışa və anlaya bilən bələdçilər ölkəmizin simasını turistə doğru istiqamətdən tanıda, onların istəklərini həyata keçirə, istirahətlərinin əla keçməsi üçün səy göstərə bilərlər. İstənilən ölkənin turizmində bu, olduqca əhəmiyyətli məqam hesab olunur.

Belə bir tələbin olduğunu nəzərə alaraq Piramida Təhsil Mərkəzi yeni “Bələdçilər üçün ivrit dili” kurslarına start verir.
Siz bizim kurslarımıza yazılmaqla yüksək səviyyədə ivrit dilinə yiyələnəcək, turistlərlə danışıq tərzini öyrənəcək və ölkəmizin, şəhərimizin tarixi haqqında məlumatlar əldə edəcəksiniz. Biz sizi turistlərin unutmayacağı bir bələdçi edəcəyik!
Kurs yekunlaşdıqdan sonra bu dərsləri bitirən tələbələrimiz arasında imtahan keçiriləcək və ən yaxşı nəticə əldə edən tələbələrimiz turizm sahəsində çalışan şirkətlərdə işlə təmin olunacaq.